ಮೊದಲ ಮಳೆಯಂತೆ

ತುಸು ತಂಪಿನ ತಂಬೆಲರದಲಿ

ತುಸು ಹೊತ್ತಿನ ಸಂಜೆಯಲಿ

ತುಸು ಬೀಸಿದ ಹೊಸ ಗಾಳಿಯಲಿ

ಪಟ ಪಟ ಉದುರಿದ ನೀರ ಹನಿ ನೀನು

ಓ ಮಳೆಯೆ,

ಯಾಕೆ ಕಾಡುವೆ ನೀನು 

ಮಾಮರದ ಅಡಿಯಲಿ ನಿಂತು 

ನಿನ್ನ ನೋಡುವ ಪರಿಯಲಿ

ಮೈ ಮರೆತು ಕಾದ 

ಆ ಸಮಯವು ರಸ ಸರಸವು 

ಓ ಮಳೆ ಬಿಲ್ಲೆ,

ಎಂದೊ ಸೋಸಿದ ಆ ಕಂಪಿನ ಸ್ವಾದ

ಎಂದೊ ಮರೆತ ಆ ತಂಪಿನ ಸ್ವಾದ

ಇಂದು ಸೇವಿಸಿದೆ ನಾನು 

ಆ ಮಣ್ಣ ಘಮವು ಕೇಳು,

ಮೊದಲ ಗುಡುಗಿನ ಶಬ್ಧಕೆ 

ನೀ ನನ್ನ ಬಳಿ ಬರಲು

ಗುಡುಗು ಗುಡುಗಿದ ಕ್ಷಣಕೆ

ನೀ ನನ್ನ ಕರೆಯಲು

ನಾ ಬಾರದೆ ಇರುವೆನಾ

ನೀ ಹೇಳು ಚೆಲುವೆ.